Veldeke Veldgewas in Oansel – meziek van Frans Hermans

Studio Oensel organiseert same mèt Veldeke Veldgewas ‘ne Limburgstaolege poëzie- en verhoalemiddag mèt meziek!

Veer höbbe oondertösse vaan 5 diechters toezègking tot ze op 25 mei e paar van hun gedichte of verhaole koume veurleze in Studio Oensel. John Hertogh oet Zitterd, Wim Heijmans oet Kirchroa, Godelieve van Gemen oet Baolder, Phil Schaeken oet Zitterd en Colla Bemelmans oet Nut. En veer dinke tot ouch de Veldegwas redacteure Wim Kuipers en Wim Kallen nog wel get gaon veurleze. En het veurleze weurd oafgewisseld mèt Frans Hermans dee zien leedsjes späölt en zingk.